[ألواح]

التسول ظاهرة منذ قديم الزمان منتشرة وبكثرة... من أيام الفقر وبساطة العيش كان
يوجد متسولين بكثرة وحتى بعد الطفرة والغناء الفاحش لازال التسول موجود والظاهر مستحيل
يندثر..لدرجة أن التسول أصبح مهنة للبعض ...تلاقي الشخص عايش في بيت ملك ومستقر ماديآ
ومهنته التسول... يلبس الملابس الرثة القذرة كقناع وينزل للشوارع ليأخذ من الناس ماليس له
...ولا له الحق بأخذه... التسول في كل مكان على وجه الأرض والكل يعترف به ويحاول مكافحته دون
جدوى... لكن المصيبه أن التسول وصل للشبكة العنكبوتية!! ذات يوم فتحت الايميل ولقيت إيميل طويل
عريض مضمونه أنه شخص أمريكي وعمل حادث ولا يقدر يسدد التأمين الصحي ..."أنا شدخلني
فيه؟؟!"... المهم الأخ ماشاء الله حاط رقم حسابه اللي بأكبر بنوك نيويورك... طبعا عملت حذف
للإيميل وجلست أفكر حتى الانترنت وصل له التسول؟!!.. ومرة من المرات لقيت أخوى جالس بغرفة
دردشة عربيه خليجيه وأظن سعوديه الغرفة...المهم واحد كاتب اسمه تكفون ساعدونى ..ولما كلمه
أخوى قال أبغى مبلغ ومحتاج وهذا رقم حسابي... ووحده كاتبه بكل بجاحة اسمها أبغى بطاقة سوا
بمية...
تتشرط بعد ماهي بسيطة تبي بمية... الشخص اللي قادر يشتري كمبيوتر ويشترك بخط تلفون ويدخل نت
على ماأظن مو محتاج للدرجة اللي يتسول فيها... مجرد مرض عنده وليس حاجه... نزلت موضوعي
هذا لأسألكم..

هل تسول عليكم شخص من خلال النت؟؟

هل تظنون أنه فعلآ محتاج لهالدرجة اللي تخليه يتسول عن طريق النت؟؟

والا مجرد طريقة جديده ابتكروها المتسولين للضحك على الناس فيها؟

والله وتطوروا المتسولين صاروا عن طريق النت يتسولون...

نصيحة للجميع معظم المتسولين عن طريق النت بالذات نصابين وفي الآونه الأخيرة انتشروا بكثرة..


تحياتي للجميع...