[هازمة إبليس]

فى يوم وليلة كنت تايهة
فدخلت أكلم الست فايزة
فايزة طلعت دقة قديمة
قالت وأنا مالى بكلام السيما
فحودت على الناحية التانية
دق الدف وطبول جاية
لعجوز بلحية بيضا وناس
مسطولة فى الوهم نايمة
فاترسمت لى دايرة
ألف ليل نهار فيها
وللأسف مفيش فتحة باينة
والدايرة بتكبر بتكبر
وانا فيها بلف شايلة
هموم قوية
وحصونى أسلاكها دايبة
كل ما أمد إيدى أخرج
نار تحرقها بشدة عالية
فكلمت ربى
وقلت: إيه الحكاية؟
هى التايهة هتفضل تايهة؟
هى النايمة هتفضل نايمة؟
فشد إيدى طفل صغير
وأنا معه قلت أسير
فراح الطفل المدرسة
وأنا فى إيدى أدوات الهندسة
وفجأة ريح شالتنى ورمتنى
على قمة عالية
قلت يا سعدى يا هنايا
خلاص وصلت لمنايا
فدقيت الباب
وفتح البواب
فكلمته بحسن نية
مهو الغلط مش عليا
قواميس كلماتى اتفيرست
واتبدلت لكلمات مايلة
واختلط الحابل بالنابل
وصرت فى الأذهان
مستحيل أكون تايبة
فرسمت لنفسى دايرة
فى وسط القمة العالية
وصرت فيها ألف ألف
كل ما أمد إيدى أخرج
نار تحرقها بشدة عالية
فصرت أصرخ وأنادى
لمن أحبه فؤادى
أخ أو أخت أنادى
طلع غرقان هو كمان
وعايز يخرج من بركان
ففهمت بئا الحكاية
إن المخ متبرمج
على نقطة البداية
مهما ارسم النهاية
يقولوا هى البداية
ففهمت بئا الحكاية
أنى صعب أكون منهم
أنى صعب أشاركهم
فبسرعة جريت
وفتحت لنفسى الديرة
وخرجت من القمة العالية
ورسمت من جديد دايرة
فى أعلى أعلى القمة العالية
وقلت لنفسى مالك
انت مازلت غالية
ومكانك مش بس القمة العالية
مكانك فوق فوق عالية
فتذكرت بسرعة ربى
ورحت لندائه ألبى
فحسيت قلبى دق
والفرح جه ومد
إيده وبسرعة سد
أحزان كتيرة ما تتعد
بقلم / هازمة إبليس