بورسعيد بتنادى البلطجية مش ولادى

[هازمة إبليس]

:لا:بورسعيد بتنادى :لا:البلطجية مش ولادى:لا:
**********
بورسعيد حيطنها بتبكى
شوارعها حزن بيجرى
وابنها واقف حيران
بورسعيد بلدى وبلدك
مش ليكو لوحدكو يا ثوار
بلطجية واقفين مرازية
لأهل بورسعيد الأحرار
هم دول أولادها
مستحيل
هم دول أبطلها
مستحيل
دا بفضل ربك
ومن بعده بحرها
خلى البورسعيدى قوى متين
خلى أم محمد بطلة الحلة
متستعجبوش
ماتضحكوش
صدقونى
الست شالت فى إيدها حلة
وخلت دم اليهودى فى إيدها حنة
واكحلت عيونها وهى واقفة
وهى ركعة وهى وقت السجود
بدموع بتنادى
مصر لأولادى
إحميها يارب من الحسود
هى ديت البورسعيدية
مش المحزق والملزق
وصوت عالى فى الشوارع
والضحكة تسبق جرى العجول
وقال تقول عصيان مدنى
قوم يا واد يا شلبى
بسرعة إمنع المرور
وأقفل مدارس الزهور
وعلى وعثمان وعلى العرب كمان دور
والحى والمحافظة أرفع لهم السطور
وبعد كده يقولوا
عصيان مدنى
بسلاح وبسيوف وبالخوف
العيل ميروحش المدرسة
وهدم كيان مؤسسة
بالله عليكم ده إيه
بالله عليكم فيه إيه
أقول أنا إيه الحكاية
وقف حال ويقولوا ده عصيان
بلطجية همج بيعشقوا الدمار
لعبة لعبوها وبيكملوها
ومنتظرين دخول الجون
وكورتهم أحفاد العبور
شعب بورسعيد المهجور
أصحوا يا ولاد بلادى
الوقت مش وقت هزار
صدقونى مخطط وماشى للدمار
صدقونى جدران بورسعيد بينزف
والدم هيصير فيضان
والتجارى والحميدى
والتلاتينى هم ضحايا
هم ضحايا للبلطجية التتار
صدقونى مخطط وماشى للدمار
صدقونى لعبة وبيلعبوها الصغار
وشعب بورسعيد شعب أحرار
مالهمش فى لعب الصغار.
بقلم أختكم فى الله / هازمة إبليس