|
|
#1
2010-03-27, 11:20 PM
|
|||
|
|||
استووا اعتدلوا الخشووووووع
استغفر الله العظيم إستووا.. إعتدلوا.. إستقيموا يرحمكم الله الله أكبر الله أكبر أحمد ركز بأه في الصلاة وبلاش تسرح طيب خلاص إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية زلابية؟؟ زلابية إيه بس وبتاع إيه الله أكبر أحمد ركز ياأحمد طيب ماأنا مركز أهوه مركز إيه طيب إنت قريت سورة إيه؟ أنا قريت سورة المسد شفت بأه أنا مركز إزاي؟ لألأ دي كانت سورة الفيل سمع الله لمن حمده ربنا ولك الحمد أنا جعت بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح بيقولوا عليه أكله حلو بس هو في شارع إيه؟ لما أخلّص الصلاة أتصل بالتليفون أعرف العنوان الله أكبر هيا الساعة كام دلوقتي؟ زمانها أربعة وخمسة على فكرة هيا الساعة التانية الجلد كنت حطيتها فين؟ آه.. يا إما في الدرج يا إما في الدولاب دولاب ايه بس ياأحمد ركز ياأحمد إنت بتصلي، أستغفر الله الله اكبر أهوه أنا مركز أهوه إنظر لمكان السجود وركز في الأيات اللي بيقولها الإمام الله أكبر الشيطان ده أعوذ بالله بيخلي الواحد يسرح مش هو الشيطان بيتسلسل في رمضان يعني بيتسلسل تلاتين يوم أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولاما يصومش؟ أحمد.. شفت أهوه إنت رجعت تسرح تاني الله أكبر هو إحنا في الركعة الكام؟ يعني هانقوم ولا هانقرأ التشهد؟ لا دي التانية طيب أقولك إتأخر شوية وشوف الي جنبك هايقوم يقف ولا يقعد يقرأ التشهد الله أكبر أيوه دي الركعة التانية شفت بأه عشان سعادتك عمال تسرح لأ خلاص أعوذ بالله من الشيطان الرجيم الله أكبر السجادة دي مريحة ولونها حلو هيا سجادة ولا موكيت لاموكيت بنسيج السجاد آه على فكرة إبقى إفتكر تكنس السجادة اللي في البيت بالمكنسة بس لازم أنضف كيس المكنسة عشان بقالي مده مانضفتوش الله أكبر الراجل اللي جنبي ده رجليه بتزق في رجلي طيب أحرك رجلي شوية الله ده بيلزقها فيا تاني أستغفر الله الله أكبر فيه صوت موبايل الناس دي ليه مش بتقفل الموبايل ساعة الصلاة مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس بس هو الموبايل ده كان نوعه إيه؟ بيتهيألي سيمنس هيا إيه الرنة دي؟ آه أنا عايز أبقى أغير الرنة فاكر الموضوع اللي كتبته عن رنات الموبايل الله أكبر الراجل اللي جنبي ده عمال يتحرك كتير أستغفر الله مافيش خشوع خالص أنا أهوه مش باتحرك السلام عليكم ورحمة الله السلام عليكم ورحمة الله إيه هيا الصلاة خلصت ؟ السلام عليكم ورحمة الله السلام عليكم ورحمة الله أستغفر الله العظيم يارب مايكون حد فينا زي احمد دة اللهم تقبل منا وتب علينا وارحمنا انك أنت التواب الرحيم منقوووووووووووول
__________________
أحبكم في الله وأدعو لكل أحبابي في الله بالتوفيق
|
|
#2
2010-03-27, 11:58 PM
|
|||
|
|||
  بارك الله فيك على هذا النقل الطيب ولكن هل تشرح لي هذه الجملة أنا فهمته كله إلا هذه . آه بمناسبة الصوابع هي صوابع زينب دي اللي هيا إيه؟ يبدو أن فيها خطأ إملائي أليس كذلك ؟؟؟ 
|
|
#3
2010-03-28, 12:01 AM
|
|||
|
|||
|
السلام عليكم ورحمة الله وبركاته
اضحك الله سنك يا اخي الحبيب والله انا الاول قرأت الموضوع لوحدي ثم ناديت أخي قرأةُ والله لقد اضحكتني كثيراً بارك الله بك وجزاك الله الفيردوس الاعلى وأسأل الله العلي القدير أن يرزقنا الخشوع في الصلاة ويرزقنا قلباً خاشعاً وعيناً باكيتاً من خشيتهِ اللهم أميــــــــــــــــــــن اللهم أميــــــــــــــــــــن
__________________
أحسب ان هذه الامة لو تعقلت وتوحدت وجمعت طاقاتها لمدة اسبوع واحد سينكسر صليب الغرب و نجمة الصهاينة و تحالف الرافضة لكن قوى الانبطاح و الغلو تعمل لصالح الاعداء غُرباء الأمر الذي يخفيه الأعلام والذي لا يعلمه الكثير.. تنظيم قاعدة الجهاد هو طليعة الأمة في مواجهة التوسع الإيراني
|
|
#4
2010-03-28, 08:15 AM
|
|||
|
|||
|
اقتباس:
الأخت الطيبة زينب
المقال معظمه مصاغ بلهجة عامية مصرية وبالتالي فالأخطاء الإملائية بالجملة وما أحببت أن أغير من شكل المقال حتى لا يفقد معناه، فمقامه السخرية ممن يصلي وهو لا يصلي، أي أن ذهنه شارد لأبعد حد، فما يخرج من فكرة حتى تأتيه غيرها مما جعله يتيه ويغيب عن وعيه وخشوعه فإذا بالإمام يسلّم وقد رقّمه صاحبه بهذا الشكل المضحك ..!! أما عن صوابع زينب فهي اسم لحلوى مصرية يعرفها الذين خالطوا المصريين كثيرا وكلمة صوابع محرفة من أصابع أتمنى أن أكون قد بينت الغامض
__________________
أحبكم في الله وأدعو لكل أحبابي في الله بالتوفيق
|
|
#5
2010-03-28, 01:51 PM
|
|||
|
|||
|
بارك الله فيك أجل فهمت معنى المقال. ولكن اسم زينب اعتقدت أنه وضع خطأ هناك وإذا به حلوى مصرية. جزاك الله خيرا. نسأل الله أن يحفظنا من وساوس الشيطان. وأن يرزقنا الخشوع في صلاتنا اللهم آمين
|
|
#6
2010-03-29, 05:08 AM
|
|||
|
|||
|
اقتباس:
أسعدك الله وأضحكك الله وأنت على منابر من النور
بارك الله فيك
__________________
أحبكم في الله وأدعو لكل أحبابي في الله بالتوفيق
|
|
#7
2010-03-30, 04:10 PM
|
|||
|
|||
|
يرفع للفائدة
__________________
أحبكم في الله وأدعو لكل أحبابي في الله بالتوفيق
|
|
#8
2010-04-02, 12:10 AM
|
|||
|
|||
__________________
أحبكم في الله وأدعو لكل أحبابي في الله بالتوفيق
|
 |
| أدوات الموضوع | |
|
|
