|
| جديد المواضيع |
| للإعلان هنا تواصل معنا > واتساب |
السادة أعضاء وزوار المنتدى الكرام،
حرصًا على تطوير المنتدى وتحسين جودة المحتوى والحفاظ على مصداقيته، فقد تقررت مراجعة جميع المقالات والمنشورات الدعائية التي تم نشرها سابقًا بشكل مجاني، وخاصة المقالات التي تتضمن روابط خارجية لمواقع إلكترونية أو خدمات تجارية.
وخلال الفترة القادمة ستقوم إدارة المنتدى بمراجعة كافة المقالات المنشورة، وقد يترتب على ذلك:
ولضمان استمرار المقالات القديمة والروابط المنشورة سابقًا، فقد تقرر تحويل خدمة نشر المقالات والروابط إلى خدمة مدفوعة تخضع لشروط ومعايير الجودة الخاصة بالمنتدى.
إذا سبق لك نشر مقال أو رابط داخل المنتدى، فيرجى التواصل مع إدارة المنتدى في أسرع وقت ممكن.
|
|||||||
|
|
أدوات الموضوع |
|
#1
2013-07-13, 04:26 PM
|
|||
|
|||
رمــضــان شــهــر الــقــرءان ..اخــبــاركــ ايه مع المصحف؟؟
 رمضــــــــان شهــــــــر القــــــــراءن ربنا عز وجل قال قال شهر رمضان الذى انزل فيه القرءان هدى للناس وبينات من الهدى والفرقان  فى شهر رمضان ربنا نزل القرءان الكريم اشرف الكلام وبالتحديد فى ليله القدر لان ربنا قال انا انزلنه فى ليله القدر وقال انا انزلنه فى ليله مباركه يعنى ربنا نزل القرءان الكريم من اللوح المحفوظ الى السماء الدنيا فى رمضان فى ليله القدر القرءان يا امه القرءان عاوزين يا اخواتى نفضل مع القرءان فى رمضان وفى غير رمضان لان القرءان هيشفع لينا يوم القيامه عن عبد الله بن عمرو رضي الله عنهما أن رسول الله صلى الله عليه وسلم قال الصيام والقرآن يشفعان للعبد يقول الصيام رب إني منعته الطعام والشهوات بالنهار فشفعني فيه ويقول القرآن منعته النوم بالليل فيشفعان هذا حديث صحيح على شرط مسلم احنا اهو فى شهر رمضان شهر القرءان ليك كام يوم مفتحتش المصحف ؟؟؟ اخواتى الله الله فى القرءان ده النبى صلى الله عليه وسلم امرنا بقرءاه القرءان فقال اقرءاو القرءان فانه ياتى يوم القيامه شفيعا لاصحابه رواه مسلم يااااااااه تخيل يوم القيامه فى اليوم الرهيب العصيب تخيل لما ابوك وامك واخوك وزوجتك وصحبك يتخلوا عنك وانت تبقى خايف فى رعب وهلع وفزع مش عارف مصيرك هيكون ايه وفجاه تلاقى القرءان بيدافع عنك ويشفع ليك يوم القيامه ده انت لو قرات مش هقول سوره لالالا لو قرأت حرف من كتاب ربنا فليك بالحرف ده حسنه والحسنه بعشر امثالها خد الدليل اهو عن ابن مسعود قال قال رسول الله صلى الله عليه وسلم من قرأ حرفا من كتاب الله فله حسنة والحسنة بعشر أمثالها لا أقول الم حرف ولكن ألف حرف ولام حرف وميم حرف رواه الترمذي يااااااااااااااه ده انت مضيع يا اخى كنوووز من الحسنات ده حضرتك لو قرأت صفحه واحده شوف فيها كام حرف واضربها فى عشره واحسب الحسنااااات هتكون قد ايه وعلى فكره ربنا بيضاعف بردوا الحسنات دى طيب لو قريت صفحتين ؟؟؟؟؟؟ لو ثلاثه ؟؟؟؟؟؟ لو اربع صفح كل يوم ؟؟؟؟؟؟؟؟ هيكون قد ايه حسنات ؟؟؟؟؟ والله ملياااااار ات من الحسنات طيب لما تقرأ الاربع صفحات هياخدوا منك كام دقيقه ؟؟؟ هنقول نصف ساعه بالكثيرررر اوى نصف ساعه هتبقى مليونير بالحسنات امال لو قريت كل يوم جزء واحنا فى شهر رمضان الشهر اللى بتضاعف فيه الحسنات هتكسب اد ايه ؟؟؟ طيب لو جزئين كل يوم ؟؟ لاصحاب الهمم العاليه هتاكسب اد ايه حسنات ؟؟ كتتير اوى والله دى كرامه يا اخواتى وخاسر اللى هيضيع كل الحسنات دى منه وخصوصا فى شهر رمضان يا اخواتى ربنا منزلش القرءان علشان نحتفظ بيه وخلاص فى البيوت او علشان نحطه فى العربيه او علشان يهدى فى العلب القطيفه الفخمه فى المناسبات او علشان نزين بيه جدران المنازل والجوامع والمحلات لالالالالالالالالالالا مش كده خالص ربنا نزل القرءان علشان نمتثل الاوامر ونجتنب النواهى ونقف عند الحدود القرءان يا اخواتى دستور ومنهج كامل نتبعه كفانا يا اخواتى هجر للقرءان يا امه القرءان احنا مش عاوزين ينطبق علينا قول النبى عليه الصلاه والسلام وهو يقول يا رب ان قومى اتخذوا هذا القرءان مهجورا هكذا اشتكانا النبى الى الله عز وجل وهنا يا اخواتى عاوزه اعرفكم ان هجر القرءان انواع فى هجر التلاوه ، الى هو هجر القراءه يعنى يبقى لينا فتره كبيره جدا هاجرين القرءان منقراش فيه ده اللى يقعد ثلاث ايام ميقراش قرءان يبقى من ضمن اللى هاجر القرءان وشوف بقى يا اخى ليك كام شهر مفتحتش المصحف ده اسمه هجر التلاوه فى بردوا هجر استماع يعنى اهو بنقرأ قرءان بس مش بنسمع ممكن حضرتك تسمع اغانى وموسيقى كثيير اوى بس للاسف متسمعشى قرءان ده اسمه هجر للقرءان هجر السماع فى هجر التدبر يعنى احنا بنقرأ قرءان وخلاص مش بنفهم معانيه مش عارفين الايات بتتكلم عن ايه لما بنقرا فى سوره مثلا نقول امتى اخلص من السوره دى دلوقتى مثلا انا لو سالت حد فيكم وقلتله يعنى ايه الصافنات الجياد ؟؟؟ يعنى ايه العاديات ضبحا ؟؟ يعنى ايه المغيرات صبحا ؟؟ يعنى ايه واثرن به نقعا ؟؟ يعنى ايه فوسطن به جمعا ؟؟؟ يعنى ايه والليل اذا سجى ؟؟ وطبعا كلنا حافظين سوره الاخلاص والمعوذتين فى حد مش حافظهم ؟؟؟؟؟؟؟؟ ده من واحنا عندنا سنه بيعلمونا قل هو الله احد طبعا كلنا متعلمين ما شاء الله لو جيت اسال حد فيكم دلوقتى وقلت يعنى ايه كلمه الله الصمد ؟؟ يعنى ايه كفوا احد ؟؟؟؟؟؟؟ يعنى ايه غاسق اذا وقب ؟؟؟ يعنى ايه النفاثات فى العقد ؟؟؟؟؟ يعنى ايه الوسواس الخناس ؟؟؟؟ حد يعرف يعنى ايه ؟؟؟؟ اهى سور بسيطه جداااااا كلنا حافظينها وبنقرا ها فى الصلاه ليل نهار وبنقراها فى الاذكار يوميا بس للاسف يا جماعه مش عارفين معانى القرءان وده معناه هجر التدبر ليه بنقرا القرءان وخلاص من غير ما نفهم معناه ؟؟؟؟؟ ده يا اخى عندك اهو الانترنت تقدر تبحث عن تفسير معانى القرءان لو انت اخذت ربع ساعه كل يوم وبحثت عن معانى القرءان والله هنكون كلنا علماء فى القرءان ده يا اخواتى الغرض الاساسى من انزال القرءان هو التدبر اقرأ قول الله عز وجل كتاب أنزلناه إليك مبارك ليدبروا آياته وليتذكر أولوا الألباب قال الله تعالى ايضا أفلا يتدبرون القرآن وفى بردوا يا اخواتى هجر العمل بالقرءان يعنى ممكن يكون بيقرا القرءان وبيسمعه ويتدبره ولكن مش بيعمل بيه مش بيعمل زى ما ربنا امره يعنى مثلا ربنا نهاه فى القرءان عن الكذب والغيبه والنميمه والربا والزنا والخمر وشهاده الزور واكل اموال الناس بالباطل والافتراء على الناس والظلم وهو بيعمل كل الحجات دى وبيقرأ قرءان وبيقرأ كل الايات الى بتنهيه عن كل ده ولكن هو بكده اسمه هاجر العمل بالقرءان حتى لو كان بيقرأه عاوزين يا اخواتى نتخلق بخلق القرءان عاوزين نقرا قرءان نفهم معانيه ونعمل بيه نشوف ربنا امرنا بايه ونعمله ونشوف ربنا نهانا عن ايه ونبعد عنه يا اخى انت ما تقرأ القرءان كان ربنا بيخاطبك انت ويقولك اعمل كذا ومتعملش كذا فرمضان يا اخواتى شهر القرءان فاحرص على قرءاه القرءان فليكن جزء فى اليوم علشان نبقى ختمنا القرءان على اخر الشهر على الاقل مره واحده نقرا بتدبر وفهم نشوف كتاب لتفسير القرءان ونفهم الى بنقراه مش نقرا وخلاص وكمان نعمل بالى بنقراه نشوف ربنا امرنا بايه ونعمله ونشوف ربنا نهانا عن ايه ونبعد عنه عاوزين بردوا يا شباب نسمع قرءان والله هتحس براحه ما بعدها راحه لو كنت مكتئب ومهموم جرب اسمع قرءان وشوف النتيجه ايه عارفين يا اخواتى كان السلف الصالح اول ما يدخل رمضان كان اكتر عباده بيعملوها هى قرءاه القرءان كان الامام مالك يترك مجالس العلم والحديث ويقبل على قرءاه القرءان يعنى كانوا يفرغوا اوقاتهم فى رمضان علشان يقراو القراءان يبقى يا اخواتى نخلى لنفسنا ورد يومى من القرءان كل يوم فى رمضان جزء او جزئين او ثلاثه بل حتى خمسه اجزاء على الهمه واجتهد فى رمضان  |
|
#2
2015-06-17, 07:53 PM
|
||||
|
||||
جزاكم الله خيرًا.
__________________
 قـلــت :
|
|
#3
2015-06-17, 07:53 PM
|
||||
|
||||
|
جزاكم الله خيرًا.
__________________
قـلــت :
|
| أدوات الموضوع | |
|
|
